LONDËR, 16 janar /ATSH-DPA/ – Ish-trajneri i Chelsea dhe Manchester United, i cili drejtoi Romën në finalen e “Europa League” sezonin e kaluar pasi fitoi Ligën e Konferencës së Evropës sezonin e kaluar, do të largohet me efekt të menjëhershëm.
“AS Roma” konfirmon se José Mourinho dhe stafi i tij do të largohen nga klubi me efekt të menjëhershëm, thuhet në faqen zyrtare.
“Ne do të donim të falënderonim José në emër të të gjithëve në AS Roma për pasionin dhe përpjekjet e tij që nga ardhja e tij në klub”, shtuan pronarët e klubit Dan dhe Ryan Friedkin.
“Ne gjithmonë do të kemi kujtime të shkëlqyera nga qëndrimi i tij në Romë, por besojmë se një ndryshim i menjëhershëm është në interesin më të mirë të klubit”, thane ata.
Mourinho zëvendësoi Paulo Fonseca, trajnerin kryesor të Romës në maj 2021 dhe i udhëhoqi ata në vendin e gjashtë dhe titullin e Ligës së Konferencës në sezonin e tij të parë.
Roma përfundoi në vendin e gjashtë në Serie A sërish sezonin e kaluar dhe arriti në finalen e Europa League në Budapest, ku humbi 4-1 me penallti ndaj Sevillas pas barazimit 1-1.
Mourinho fitoi tre tituj të Premierligës, FA Cup dhe tre Kupa të Ligës gjatë dy periudhave në krye të Chelsea pasi fitoi Champions League me Porto. //a.i/
