BRUKSEL, 12 janar /ATSH-DPA/ – Ministrat e Jashtëm të BE-së do të takohen më 22 janar për të diskutuar pjesëmarrjen e mundshme të bllokut në nismën e SHBA për të siguruar transportin tregtar në Detin e Kuq.
‘’Shërbimi i Veprimit të Jashtëm’’ të BE-së ka hartuar propozimet fillestare për nisjen e një operacioni të ri të përbashkët ushtarak evropian.
Planet parashikojnë vendosjen e anijeve luftarake dhe sistemeve të paralajmërimit të hershëm nga ajri, ndoshta duke përdorur avionë zbulimi.
Operacioni i Prosperity Guardian i nisur nga Shtetet e Bashkuara synon të rrisë ndjeshëm praninë ushtarake ndërkombëtare në Detin e Kuq dhe të parandalojë sulmet ndaj anijeve.
Që nga shpërthimi i luftës midis Izraelit dhe Hamasit, rebelët Houthi të mbështetur nga Irani kanë sulmuar vazhdimisht anijet me një lidhje të dyshuar izraelite në Detin e Kuq. /os/
