TIRANË, 19 dhjetor /ATSH/ Ashtu si shumë kryeqytete të Europës, edhe Tirana është bërë gati për të mikpritur festat e fundvitit.
Në sheshin “Skënderbej” ka nisur atmosfera, një hapësirë festive ku qytetarët mund të kalojnë kohën dhe të argëtohen.
Qyteti i Tiranës është zbukuruar nga dritat dhe dekoret e ndryshme në prag të festave të fundvitit, Krishtlindjet dhe Viti i Ri.
Me afrimin e festave, edhe qyteti ka filluar që të vishet me vellon e tij të re, çka është kthyer në një traditë të bukur duke tërhequr vëmendjen e vizitorëve vendas e të huaj.
/r.e/
