TIRANË, 3 nëntor/ATSH/ DRTK Gjirokastër përfundoi ndërhyrjen emergjente në Kishën e “Shën Dëllisë”, në fshatin Bual të Përmetit. Kisha është shpallur Monument Kulture, Kategoria I, në vitin 1973.
Ajo është kishë njënefshe me çati druri.
Specialistët e DRTK Gjirokastër ndërhynë në një pjesë të çatisë që ishte në rrezik shembje si dhe realizuan përforcime të brendehme të çatisë. Gjithashtu u krye mbulimi me rasa guri i pjesëve të dëmtuara të çatisë.
Kisha e “Shën Dëllisë” përbëhet nga naosi drejtëkëndësh i gjatë në drejtim Lindje-Perëndim, narteksi thuajse kuadratik në Perëndim të tij dhe një hajat i hapur me pilastra kuadratike në anën Jugore. Narteksi dhe Hajati janë shtuar për herë të parë gjatë rindërtimit të kishës.
/r.e/
