PRISHTINË, 25 tetor/ATSH/ Policia e Kosovës ka nisur mëngjesin e sotëm bastisje në disa lokacione në veri të Mitrovicës. E gjithë kjo lidhet me hetimet që po vazhdojnë për sulmin terrorist që u krye në Banjskë të Zveçanit, më 24 shtator.
Veton Elshani, u.d. të drejtorit të policisë për rajonin e veriut, i tha KosovaPress-it që bastisjen po vazhdojnë dhe deri më tani nuk ka të arrestuar. Ai nuk dha informata nëse deri më tani ka armë të konfiskuara. /KosovaPress/
