TIRANË, 12 shtator/ATSH/ Klubi i Volejbollit “Tirana” për meshkujt ka triumfuar në finale e Kupës së Shqipërisë. Bardheblutë, arritën të ishin fitues me rezultatin 3-0 përballë “Erzenit” në sfidën e zhvilluar në Pallatin e Sportit “Farka Volley”.
Ndërkohë, pak para finales së meshkujve u zhvillua dhe finalja Kupës së Shqipërisë e volejbollit për vajza, ku “Skënderbeu” triumfoi përballë “Partizanit” me rezultatin 3-1. Këto rezultate janë një nisje e mirë e sezonit për meshkujt e “Tiranës” në volejboll dhe vajzat e “Skënderbeut”, që kandidohen për të qenë protagonistë në sezonin e ri të volejbollit.
/r.e/
