TIRANË, 11 shtator /ATSH/ Policia e Fierit njofton se, në qytetin e Fierit një fuoristradë e tipit “Land Rover”, ka goditur një automjet policie, duke e dërguar atë jashtë rruge. Për pasojë, nga aksidenti u lënduan dy punonjësit e policisë, ndërsa grupi hetimor po punon për zbardhjen e dinamikës së plotë të aksidentit.
“Rreth orës 16:50, në aksin rrugor Levan-Tepelenë, në fshatin Frakull e Madhe, automjeti tip “Land Rover” me drejtues shtetasin S. B. është përplasur me automjetin e Policisë tip “Skoda”, me drejtues punonjësin e Policisë H. K. Si pasojë e përplasjes janë dëmtuar punonjësit e Policisë H. K., E. Gj. dhe G. S., të cilët ndodhen në spital, në kujdesin e mjekëve. Grupi hetimor po punon për përcaktimin e shkakut të aksidentit”, njofton Policia e Fierit.
/r.e/
