PRISHTINE, 27 korrik/ATSH/ Forca e Sigurisë së Kosovës, në kuadër të partneritetit me Gardën Kombëtare të Ajoas, ishte pjesë në Ditën e Vizitoreve të Shquar e JRTC (Joint Readiness Training Center) Training Rotation, Fort Johnson, Louisiana, ShBA.
Pjesë e njësive të Gardës Kombëtare të Ajoa-s, ishin edhe gjashtë pjesëtarë të Regjimentit të parë të Forcave Tokësore (R1K), të cilët ndanë përvojat e tyre në këtë aktivitet të rëndësishëm të Ushtrisë Amerikane, ka njoftuar Forca e Sigurisë së Kosovës.
R1K është i binjakëzuar me Batalionin 133 te Këmbësorisë së Gardës Kombëtare të Ajoa-a, që nga viti 2022 dhe deri me tani janë realizuar aktivitete të ndryshme ushtarake në të dyja vendet.
“Ky ishte aktiviteti i radhës i cili thelloi edhe me tej bashkëpunimin ndërmjet dy njësive, e që do të vazhdojë me trajnime e aktivitetet tjera në të ardhmen”, ka njoftuar FSK./KosovaPress/
