TIRANË, 13 qershor/ATSH/ Rreth 30 mijë maturantë po zhvillojnë sot provimin e tretë të Maturës Shtetërore, ku testohen për matematikën.
Provimi nisi në orën 10:00 dhe përfundon në orën 12:30.
MAS bëri të ditur se për herë të parë janë hartuar teste të veçanta për rreth 170 nxënës me aftësi ndryshe.
Në 1 qershor maturantët kryen provimin e gjuhës së huaj dhe më 7 qershor gjuhën shqipe dhe letërsinë.
Lënda me zgjedhje është dhe provimi i fundit, i cili do zhvillohet më datë 19 qershor.
Deri tani kanë dalë rezultatet e provimit të gjuhës së huaj, ku kalueshmëria është 96 % dhe me notën 10 janë vlerësuar rreth 24 % e maturantëve.
/k.s/r.e/
