TIRANË, 23 maj/ATSH/ Prezenca e OSBE-së në Tiranë iu bashkua institucioneve shqiptare, komunitetit ndërkombëtar dhe shoqërisë civile në përkujtimin e 50-vjetorit të revoltës të të burgosurve të Spaçit.
“Revolta përfaqëson një simbol të rezistencës kombëtare kundër regjimit komunist”, shkruan OSBE në një postim në rrjetet sociale.
Burgu i Spaçit, i vendosur në një zonë të thellë malore, ishte burgu më famëkeq gjatë regjimit komunist në Shqipëri, ku të burgosurit trajtoheshin mizorisht dhe jetonin në kushte çnjerëzore. Disa prej intelektualëve më në zë u dërguan atje me akuza të stisura.
Më 21 maj 1973 disa të burgosur u rebeluan duke ngritur flamurin jokomunist. Kryengritja, e cila tronditi diktaturën, u shtyp me forcë: 4 të burgosur u ekzekutuan dhe 66 të tjerë morën dënime më të rënda.
/gj.m/r.e/
