TIRANË, 7 maj/ATSH/ Djali i ish-presidentit, Hashim Thaçi, Endriti, i cili ka edhe shtetësi shqiptare i ka dërguar një mesazh kryetarit të bashkisë së Tiranës, Erion Veliaj.
“Erioni është mik i mirë i babit dhe gjithë Kosovës. Tirana është sot qytet më dinamik, më i bukur, më i hapur, për shkak të Erionit. Qindra mijëra turistë e kanë zbuluar Tiranën si një qendër të re kulturore dhe sportive europiane”, thotë në një videomesazh djali i Thaçit.
Ai në fund shprehet se, mezi po pret të shohë se çfarë do të bëjë Erion Veliaj në mandatin e ardhshëm.
“Vetëm përpara, Erion”, përfundon Endrit Thaçi.
Ndërsa, Veliaj që e ka postuar këtë video, shprehet mirënjohës për fjalët e tij inkurajuese.
“Të jam mirënjohës për fjalët inkurajuese, Endrit Thaçi. E vlerësoj shumë mbështetjen tënde!”, ka shkruar Veliaj.
/k.s/
