TIRANË, 26 prill /ATSH/ Shërbimi Meteorologjik Ushtarak bëri të ditur se, vendi do të vijojë të ndikohet nga kushte atmosferike të paqëndrueshme.
Moti parashikohet me vranësira mesatare dhe të dendura si dhe alternime të herëpashershme dhe afatshkurtra me diell dhe kryesisht në pjesën e dytë të ditës.
Në orët e para të 24-orëshit deri në orët e mesditës parashikohen reshje shiu të herë pas hershme me intensitet të ulët dhe mesatar në formën e shtrëngatave dhe stuhive shoqëruar me shkarkesa elektrike.
Duke filluar pas orëve të mesditës do të ketë mot me alternime kthjellimesh e vranësirash shoqëruar me reshje shiu të dobëta lokale. Në relievet e larta malore në jug këto reshje do të jenë në formën e shtrëngatave dhe stuhive tepër afatshkurtra.
Era do të fryjë me drejtim verilindje – veriperëndim me shpejtësi 1 – 8 m/sek, ndërsa përgjatë vijës bregdetare dhe nëpër lugina era relativisht intensive me shpejtësi 10-15m/sek, shoqëruar me valëzim në dete të forcës 1-3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 9/17 | Re shi diell |
| Kukës | 6/14 | Re shi diell |
| Lezhë | 8/17 | Re shi diell |
| Dibër | 5/14 | Re shi diell |
| Durrës | 10/19 | Re shi diell |
| Tiranë | 10/20 | Re shi diell |
| Elbasan | 9/20 | Re shi diell |
| Berat | 7/20 | Re shi diell |
| Vlorë | 10/18 | Re shi diell |
| Korcë | 5/13 | Re shi diell |
| Gjirokastër | 7/17 | Re shi diell |
| Sarandë | 10/18 | Re shi diell |
