TIRANË, 25 prill/ATSH/ Komisioni Qendror i Zgjedhjeve hodhi sot shortin për numëruesit e votave për zgjedhjet e 14 majit.
Sipas shortit të hedhur sot në KQZ, Partisë së Lirisë i ranë tavolinat e numërimit me numër tek, ndërsa partisë tjetër që merr anëtarin e katërt, Partisë për Drejtësi, Integrim dhe Unitet, i ranë tavolinat me numër çift.
Bazuar në këtë short, në tavolinat e numërimit me numër tek në të gjithë vendin numëruesit do të jenë 2 përfaqësues të Partisë Socialiste, 1 i Partisë Demokratike dhe 1 i Partisë së Lirisë.
Ndërsa në tavolinat e numërimit me numër çift në të gjithë vendin numëruesit do të jenë 2 përfaqësues të Partisë Socialiste, 1 i Partisë Demokratike dhe 1 i PDIU-së.
/m.m/ /gj.m/r.e/
