TIRANË, 2 prill/ATSH/ Udhëheqës të komunitetit nga Shtetet e Bashkuara të Amerikës dhe Shqipëria u mblodhën së fundmi si pjesë e programit Professional Fellows.
Ambasada e SHBA-së thekson se ky program sponsorizohet nga Departamenti i Shtetit i SHBA dhe zbatohet nga Co-Plan.
Mentorët amerikanë Larry Fletcher, Sarah Jane Knoy dhe Hector Vaca Cruz udhëtuan në Shqipëri për të trajnuar dhe mbështetur homologët e tyre shqiptarë në përpjekjet për të përmirësuar komunitetet e tyre.
Shqiptarët kishin kaluar më parë kohë me mentorët e tyre në Shtetet e Bashkuara të Amerikës përmes kësaj nisme, e cila po ndërton një rrjet organizatorësh të komunitetit në mbarë botën.
/k.s/
