TIRANË, 30 mars /ATSH/ Është hedhur paraditen e kësaj të enjte shorti për fazën gjysmëfinale të Kupës së Shqipërisë për sezonin 2022-2023 ku kanë kaluar katër ekipe, Tirana, Teuta, Vllaznia dhe Egnatia.
Ky short u zhvillua në ambientet e stadiumit “Air Albania” ku të pranishëm ishin Sekretari i Përgjithshëm i FSHF-së, Ilir Shulku, shefi i Departamentit të Garave në FSHF, Marjus Sulejmani, përfaqësuesit e klubeve dhe përfaqësues të medieve.
Nga shorti i hedhur u përcaktuan edhe dy çiftet gjymëfinaliste të këtij edicioni të Kupës së Shqipërisë që janë: Vllaznia – Egnatia dhe Tirana– Teuta.
Ndeshjet e kësaj faze, ku do të përcaktohen edhe finalistët e këtij edicioni janë planifikuar të luhen në datat 26 prill dhe 11 maj, ndërkohë që finalja e madhe do të luhet më datën 1 qershor 2023.
Çiftet e fazës gjysmëfinale të Kupës së Shqipërisë:
Vllaznia – Egnatia (26 prill)/ Egnatia – Vllaznia (11 maj)
Tirana – Teuta (26 prill)/ Teuta – Tirana(11 maj)
Finalja 01.06.2023
