TIRANË, 18 shkurt/ATSH/ Kongresi Rinor Kombëtar në bashkëpunim me bashkinë Tiranë dhe në kuadër të programit: Tirana kryeqyteti evropian i rinisë 2022, inaguruan hapësirën më të re rinore në kryeqytet.
Vendtakimi i ri për të gjithë ata që dëshirojnë të diskutojnë, debatojnë, krijojnë aktivitete artistike, apo të jenë pjesëmarrës në ngjarjet që kjo hapësirë rinore do të mirëpresë për të patur një angazhim më të mirë social dhe kulturor, quhet “Tok me ne #SiN’Shpi.
Në cereoninë e inaugurimit u prezantua programi javor dhe mundësitë se si organizatat dhe të rinjtë do të mund të përdorin këtë hapësirë për aktivitetet e tyre.
Kjo nismë është realizuar në kuadër të projektit “Këmbëkryq me ndërkombëtarët’’, nën implementimin e organizatës Qendra për Ekselencë (DCE) në bashkëpunim me Kongresin Rinor Kombëtar dhe Bashkinë Tiranë.
/gj.m/
