TIRANË, 2 shkurt /ATSH/ Komisioneri për të Drejtën e Informimit dhe Mbrojtjen e të Dhënave Personale, Besnik Dervishi, priti në një takim ambasadorin Guido De Sanctis, Kryetar i Prezencës në Shqipëri të Organizatës për Siguri dhe Bashkëpunim në Evropë (OSBE).
Komisioneri Deervishi shprehu falënderimin për kontributin dhe mbështetjen e dhënë ndër vite nga OSBE për Zyrën e Komisionerit, si dhe për projektet e frytshme të përbashkëta të zhvilluara për të dy fushat e përgjegjësisë institucionale.
Gjatë takimit Ambasadori De Sanctis u njoh me rolin, funksionet dhe veprimtarinë e Zyrës së Komisionerit, si edhe me procesin e harmonizimit të kuadrit rregullator kombëtar të mbrojtjes së të dhënave personale me acquis të BE, apo dhe atë për përmirësimin e ligjit për të drejtën e informimit.
Palët diskutuan dhe u dakordësuan për të vijuar këtë bashkëpunim në funksion të njohjes dhe ndërgjegjësimit, për ushtrimin e të drejtave dhe lirive themelore nga qytetarët.
/k.s/ /gj.m/
