TIRANË, 8 janar /ATSH/ Shërbimi Meteorologjik Ushtarak bëri të ditur se sot vendi do të vijojë të jetë nën ndikimin e masave ajrore të qëndrueshme dhe relativisht të lagështa.
Moti parashikohet i kthjellët në të gjithë territorin përjashtuar vranësirat e pakta kalimtare kryesisht në pjesën e dytë të ditës. Në zonat luginore dhe disa pjesë të tjera të vendit në orët e mëngjesit mjegull e dendur ose mjegullinë dhe shikim i reduktuar.
Era do të fryjë me drejtim juglindje-jugperëndim me shpejtësi nga 1 deri në 8 m/s në bregdet dhe lugina. Valëzimi në dete parashikohet i forcës 1-2 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 3/15 | Diell |
| Kukës | 1/10 | Diell |
| Lezhë | 7/14 | Diell |
| Dibër | 0/13 | Diell |
| Durrës | 7/17 | Diell |
| Tiranë | 6/17 | Diell |
| Elbasan | 7/16 | Diell |
| Berat | 3/17 | Diell |
| Vlorë | 6/16 | Diell |
| Korçë | -1/10 | Diell |
| Gjirokastër | 0/15 | Diell |
| Sarandë | 7/17 | Diell |
