TIRANË, 10 nëntor/ATSH – I. Vata/ Gjykata e Apelit ka shtyrë sërish sot seancën gjyqësore për statutin e PD, ankimim i bërë nga grupi i demokratëve të drejtuar nga Enkelejd Alibeaj.
Në një njoftim për mediet, Gjykata e Apelit bën me dije se seanca sot nuk u zhvillua për shkak se përfaqësuesi ligjor, ka depozituar kërkesë për shtyrje seance.
“Në vijim të komunikimeve mbi veprimtarinë e Gjykatës së Apelit Tiranë, ju informojmë se seanca e sotme gjyqësore që ishte planifikuar të zhvillohej, kërkesa e Partisë Demokratike, nuk u zhvillua, për shkak se përfaqësuesi ligjor, ka depozituar kërkesë për shtyrje seance”, thuhet në njoftimin e Gjykatës së Apelit.
Seanca e ardhshme është caktuar në datën 06.12.2022, ora 09:30.
/j.p/r.e/
