TIRANË, 10 nëntor/ATSH/ Më 10 nëntor 1895 lindi në Drenicë, Shote Galica.
Ajo bë krahu i djathtë i bashkëshortit të saj, Azem Bejtës, i njohur si Azem Galica, ndërsa e vazhdoi luftën edhe pas vdekjes së tij, duke mos e hequr pushkën nga dora.
Emri i saj i vërtetë është Qerime Radisheva, e njohur për rezistencën me sukses ndaj autoriteteve ushtarake serbe nga fillimi i viteve ’20, deri kur u tërhoq në Shqipëri. Kundërshtoi me armë dhunën dhe shpërnguljet e shqiptarëve nga autoritetet serbe në Kosovë.
Në vitin 1919 Shota mori pjesë në Kryengritjen e Dukagjinit dhe atë të Junikut në 1921–1923. Në vitin 1925 pas vdekjes së burrit të saj, Azem Galicës, ajo mori detyrën e tij dhe luftoi së bashku me Bajram Currin në Has të Prizrenit dhe Lumë. Një ndër aksionet më të njohura të Shotës ishte kapja e një komandanti serb dhe një numri ushtarësh në Çikatovë. Vdiq në Fushë-Krujë më 1 korrik 1927. Shote Galica mbahet mend për thënien “Jeta pa dije është si një luftë pa armë”. Është vlerësuar me titullin më të lartë “Hero i Popullit”.
/j.p/r.e/
