TIRANË, 7 nëntor/ATSH/ Ministria e Shëndetësisë dhe Mbrojtjes Sociale informoi se në 24 orët e fundit 3 qytetarë rezultuan të infektuar me COVID-19 nga 86 testimet e kryera.
Nga testimet e kryera kanë rezultuar pozitivë me COVID-19, 3 qytetarë në Tiranë, Lushnjë dhe Selenicë.
MSHMS informon se nuk ka asnjë humbje jete gjatë 24 orëve të fundit, ndërkohë që janë 209 qytetarë aktivë me COVID-19 në të gjithë vendin. Aktualisht në spitalin COVID3 po marrin trajtim 4 pacientë.
Po ashtu, janë shëruar 5 qytetarë gjatë 24 orëve të fundit, duke e çuar numrin e të shëruarve në 328,129, që nga fillimi i epidemisë.
Ministria e Shëndetësisë dhe Mbrojtjes Sociale i bën thirrje qytetarëve të mos neglizhojnë vaksinimin anti-COVID dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.
Vaksinimi anti-COVID dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Statistika ( 7 Nëntor 2022)
Raste të reja ditore 3
Të shëruar në 24 orë 5
Të shtruar në spitale 4
Humbje jete në 24 orë 0
Testime ditore 86
Testime totale 1,999,922
Raste pozitive 331,931
Raste të shëruara 328,129
Raste aktive 209
Humbje jete 3,593
Shpërndarja gjeografike e rasteve aktive sipas qarqeve:
Tiranë 150
Vlorë 19
Fier 18
Gjirokastër 5
Durrës 4
Berat 4
Shkodër 5
Elbasan 3
Lezhë 1
/m.m/
