NJU JORK, 1 nëntor /ATSH-DPA/ – Presidenti i SHBA-së, Joe Biden u kërkoi kompanive të mëdha të naftës të ndalojnë fitimet nga lufta dhe t’i përdorin ato për të rritur prodhimin vendas, ndërsa Shtëpia e Bardhë përpiqet të frenojë rritjen e çmimeve të karburanteve përpara zgjedhjeve afatmesme.
Biden akuzoi kompanitë e naftës dhe gazit se kanë përfituar nga një luftë e papritur në Ukrainë dhe duke shpërblyer aksionerët e tyre në vend që të ndihmojnë miliona amerikanë që vazhdojnë të përballen me çmime më të larta.
Presidenti u bëri thirrje prodhuesve të energjisë të zgjerojnë prodhimin, të investojnë në kapacitete të reja rafinimi dhe çmime më të ulëta për konsumatorët amerikanë.
“Nëse nuk e bëjnë, ata do të paguajnë një taksë më të lartë mbi fitimet e tyre të tepërta dhe do të përballen me kufizime të tjera”, tha ai në një koment, së bashku me sekretaren e Thesarit Janet Yellen dhe të Energjisë, Jennifer Granholm.
“Është koha që këto kompani të ndalojnë së bëri fitime nga lufta, të marrin përgjegjësitë e tyre në këtë vend dhe të lehtësojnë popullin amerikan”, shtoi ai./ /os/
