TIRANË, 21 tetor/ATSH/ Makina e Brigitte Bardot bëhet pjesë e Regjistrit Shqiptar.
Drejtoria e Përgjithshme e Shërbimit të Transportit Rrugor (DPSHTRR) bëri të ditur se gjithnjë e më shumë në flotën e mjeteve historike shqiptare, janë targuar mjete të cilat kanë qenë identifikuar me njerëz të famshëm.
“Ford Thunderbird Roadster” e vitit 1957 ishte mjeti me të cilin një nga aktoret më të famshme amerikane, Brigitte Bardot, bëri debutimin e saj, gjatë Festivalit të Filmit të Kanës, në Francë. E lançuar në vitin 1957, makina retro legjendare amerikane, “Ford Thunderbird Roadster”, ishte një makinë që tërhoqi vëmendje menjëherë.
Emri i kësaj makine i ka rrënjët në mitologjinë indiane amerikane. Thunderbird ishte një zog-totem i disa fiseve dhe në të njëjtën kohë një personazh folklorik.
Ky model, dallueshmërisht nga modelet sportive të atyre viteve, u pozicionua në treg si një “makinë personale”, me të cilin pati shumë sukses, me mbi 3500 porosi brenda 10 ditëve që nga debutimi në treg. /
/j.p/r.e
