TIRANË, 12 tetor/ATSH/ Ministrja e Arsimit dhe Sportit, Evis Kushi priti në një takim kreun e bordit të Fondacionit Shqiptaro-Amerikan për Zhvillim The_AADF, Michael Granoff.
Gjatë takimit Kushi dhe Granoff diskutuan rreth ecurisë së projekteve të përbashkëta në fushën e arsimit, si Shkolla e Drejtorëve, Junior Achievement Albania, TIK në klasën e parë dhe 100 smart labs, Inteligjenca Artificiale për të rinjtë, etj.
Ministrja Kushi shprehu mirënjohjen ndaj AADF për kontributin e vyer ndër vite në fushën e arsimit, me objektivin e përbashkët rritjen e cilësisë në arsim.
Në 18 maj të këtij viti Ministria e Arsimit dhe Sportit dhe Fondacioni Shqiptaro-Amerikan për Zhvillim (AADF) nënshkruan një Memorandum Mirëkuptimi për zbatimin e projektit “Inteligjenca Artificiale për të rinjtë” (Intel® AI for Youth).Ky projekt ka për qëllim të rrisë aftësitë që lidhen me teknologjinë dhe inteligjencën artificiale tek nxënësit shqiptarë, të moshës nga 13 deri 19 vjeç.
/j.p/r.e/
