TIRANË, 18 shtator /ATSH/ Shërbimi Meteorologjik Ushtarak bëri të ditur se për ditën e sotme vendi ynë do të vijojë të ndikohet nga kushte relativisht të paqëndrueshme atmosferike por me një përmirësim krahasuar me ditën e sotme.
Moti parashikohet fillimisht me kthjellime si dhe alternime vranësirash mesatare deri të dendura. Parashikohen vranësira deri në orët e mesditës që do të shoqërohen me reshje shiu të herëpashershme me intensitet të ulët. Më tej moti parashikohet i kthjellët në të gjithë territorin e vranësira fare të pakta kalimtare në relievet malore në lindje.
Era do të fryjë me drejtim veriperëndim – verilindje e lehtë e mesatare e cila hera-herës përgjatë vijës bregdetare e vrullshme. Valëzimi në dete parashikohet i forcës 3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 14/25 | Shi diell |
| Kukës | 12/19 | Shi diell |
| Lezhë | 13/25 | Shi diell |
| Dibër | 10/15 | Shi diell |
| Durrës | 16/26 | Shi diell |
| Tiranë | 16/26 | Shi diell |
| Elbasan | 14/26 | Shi diell |
| Berat | 13/27 | Shi diell |
| Vlorë | 14/26 | Shi diell |
| Korçë | 12/21 | Shi diell |
| Gjirokastër | 12/27 | Shi diell |
| Sarandë | 13/27 | Shi diell |
