TIRANË, 10 shtator /ATSH/ Shërbimi Meteorologjik Ushtarak bën të ditur se sot vendi do të vijojë të jetë nën ndikimin e kushteve atmosferike relativisht të paqëndrueshme.
Moti parashikohet fillimisht me vranësira mesatare deri të dendura si dhe alternime të herëpashershme me diell dhe kryesisht në zonën e jugut.
Vranësirat përgjatë gjithë ditës do të shoqërohen me reshje shiu të herëpashershme me intensitet të ulët deri mesatar në formën e shtrëngatave. Pas orëve të mesditës moti parashikohet kryesisht me kthjellime e alternime të herëpashershme vranësirash.
Era do të fryjë me drejtim jugperëndim – verilindje me shpejtësi mesatare 1-5 m/sek, e cila hera herës përgjatë vijës bregdetare dhe në zonat luginore fiton shpejtësi deri në 6-8 m/sek. Valëzimi në dete parashikohet i forcës 1-2 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 22/29 | Re shi/diell |
| Kukës | 19/26 | Re shi/diell |
| Lezhë | 20/29 | Re shi/diell |
| Dibër | 16/27 | Re shi/diell |
| Durrës | 22/31 | Re shi/diell |
| Tiranë | 23/31 | Re shi/diell |
| Elbasan | 21/31 | Re shi/diell |
| Berat | 19/31 | Re shi/diell |
| Vlorë | 19/30 | Re shi/diell |
| Korçë | 16/26 | Re shi/diell |
| Gjirokastër | 18/30 | Re shi/diell |
| Sarandë | 21/31 | Re shi/diell |
