PHENIAN, 9 shtator /ATSH-DPA/ – Një ligj i ri i Koresë së Veriut lejon një përgjigje bërthamore ndaj kërcënimit të një sulmi, pas miratimit politik nga anëtarët e Asamblesë së Lartë të Popullit.
”Ligji i ri lejon një sulm bërthamor për të eliminuar burimin e kërcënimit”, raportoi media koreano-jugore duke cituar atë koreano-veriore.
Megjithëse dihet që Koreja e Veriut ka armë bërthamore, ajo i teston ato rregullisht dhe i referohet vetes si një fuqi bërthamore në kushtetutën e saj, statusi i ri e ridizenjon vendin si fuqi të pamohueshme bërthamore.
Posedimi i armëve bërthamore nga ana e Phenianit e ka bërë atë objekt të sanksioneve të gjera ndërkombëtare.
Sipas raportimeve të medias, udhëheqësi i Koresë së Veriut, Kim Jong Un tha se ”SHBA jo vetëm që dëshiron t’i grabisë Koresë së Veriut arsenalin e saj bërthamor, por edhe të përmbysë qeverinë e saj”.
Të dyja palët nuk kanë pasur bisedime që nga samiti i dështuar mes Kim dhe ish-presidentit amerikan, Donald Trump, në shkurt 2019.
Ligji i ri i jep Kimit fuqi vendimtare mbi armët bërthamore të vendit.
Nëse komanda dhe qendra e kontrollit bërthamor të vendit do të rrezikohej, një sulm bërthamor mund të fillonte automatikisht./ /os/
