TOKIO, 6 shtator /ATSH-DPA/ – Qeveria japoneze ka ndarë një total prej 1.6 miliardë jen (11.4 milionë dollarë) për funeralin shtetëror të ish-kryeministrit Shinzo Abe.
Mediat lokale raportuan se qeveria e kryeministrit Fumio Kishida fillimisht kishte thënë se do të shpenzonte 249 milionë jen nga paratë e taksapaguesve për funeralin shtetëror, të planifikuar për 27 shtator.
Një ceremoni private u mbajt pak ditë pas vdekjes së tij në moshën 67-vjeçare.
Udhëheqësi politik konservator, kryeministri më jetëgjatë i Japonisë, u qëllua për vdekje nga një ish-ushtarak me një armë të bërë vetë gjatë një fjalimi elektoral në qytetin e Nara më 8 korrik. /os/
