TIRANË, 2 shtator/ATSH/ Prefekti i qarkut të Gjirokastrës, Odise Kote zhvilloi sot një takim me drejtuesit e zyrave vendore arsimore të qarkut Gjirokastër, në kuadër të fillimit të vitit të ri arsimor 2022-2023.
Në fokus kryesor të takimit ishte diskutimi mbi gatishmërinë e institucioneve arsimore parauniversitare, shpërndarjen e teksteve shkollore, problematikat e hasura dhe zgjidhjen e tyre.
Prefekti i qarkut theksoi rëndësinë e bashkëpunimit me njësinë e vetëqeverisjes vendore për vënien në gatishmëri të të gjitha institucioneve arsimore parauniversitare pёr një fillim sa më të mbarë të procesit mёsimor 2022-2023.
Nga ana e drejtuesve të ZVA-ve u shprehën se kanë filluar punën parapërgatitore për të siguruar një mjedis të sigurt dhe gjithëpërfshirës për gjithë nxënësit dhe janë marrë masat për procesin e pajisjes së nxënësve me tekste shkollore, për regjistrimin e nxënësve dhe për përgatitjen e ambienteve të institucioneve arsimore.
/k.s/j.p/r.e/
