TIRANË, 26 gusht/ATSH/ Sot në Prishtinë nis festivali më i madh shqiptar i muzikës rock.
“Spitfire Festival” do të zhvillohet për tri ditë me radhë, në Amfiteatrin e Gërmisë, duke bashkuar shumë prej grupeve rock më të njohura, në trevat shqipfolëse.
“Spifire Festival” synon që ta vazhdojë traditën e rock-ut në Kosovë, dhe të përsëritet çdo vit me moton “Një për të gjithë, të gjithë për Rock”.
Sipas organizatorëve, në të ardhmen synohet të ketë një përfshirje më të gjerë, duke e kthyer në festival ndërkombëtar.
Në “Spitfire” do të performojnë 20 këngëtarë dhe grupe rock nga Shqipëria, Kosova e Maqedonia, si Elton Deda, Aleksandër Gjoka, Bojken Lako, Jericho, Eugent Bushpepa, Crossbones e të tjerë.
/r.e/
