ROMË, 12 gusht /ATSH-dpa/ – Një bandë grabitësish bankash thirri policinë e Romës për t’i shpëtuar ata, pasi tuneli që kishin gërmuar u shemb, raportoi media italiane.
Shërbimet e shpëtimit nxorën dje një të plagosur nga tuneli i shembur rreth orës 20:00 (1800 GMT) dhe e dërguan në spital, ndërsa policia arrestoi tre bashkëpunëtorët e tij.
Policia beson se ishte një nga grabitësit që bëri thirrjen e urgjencës.
Banda, dy romanë dhe dy napolitane, po shfrytëzonin një fundjavë të gjatë, gjatë së cilës mbylleshin shumica e bizneseve italiane, për të hyrë në një bankë ose në biznese aty pranë.
“Na ndihmoni, ju lutem ejani dhe na lironi”, ishte thirrja e dëshpëruar e njërit prej tyre drejtuar policisë.
Shërbimet e shpëtimit, përfshirë specialistë të trajnuar për tërmetet, duhej të hapnin një tunel të dytë.
Burrit të bllokuar iu dhanë lëngje dhe oksigjen, ndërsa puna e shpëtimit vazhdonte./ a.jor.
