BERLIN, 6 gusht /ATSH-DPA/ – Rreth 40% e të rriturve gjermanë thonë se flenë keq, sipas një sondazhi nga instituti i kërkimit të opinionit YouGov, i kryer për llogari të agjencisë gjermane të lajmeve, DPA.
Një total prej 10% thanë se flinin “aspak mirë” dhe 30% thanë se flinin “më tepër jo mirë”.
Ndërkohë, 45% thanë se flinin “mjaft mirë” dhe 13% thanë se flinin “shumë mirë”.
Pjesa tjetër nuk dha asnjë informacion.
Sipas sondazhit, burrat flenë më mirë se gratë, pasi 62% e të anketuarve meshkuj thanë se gjumi i tyre ishte “mjaft i mirë/shumë i mirë”.
Te gratë kjo përqindje ishte 55.
Për më tepër, ndërsa një total prej 7% “kurrë” nuk kanë probleme për të fjetur ose për të qëndruar zgjuar më gjatë gjatë natës, 24% thanë se kjo u ndodh “rrallë”, 33% thanë “ndonjëherë”, 20% “shpesh” dhe 14% ” shumë shpesh”, ndërsa 2% nuk dhanë asnjë informacion.
Edhe këtu gratë e kanë më të vështirë, ku 40% e tyre kanë tendencë të kenë probleme “të shpeshta” dhe “shumë të shpeshta” me gjumin, krahasuar me vetëm 28% të meshkujve.
Të dhënat e përdorura bazohen në një sondazh në internet nga YouGov Deutschland, në të cilin morën pjesë 2 442 persona, 18 vjeç e lart./ a.jor.
