PRISHTINË, 3 korrik/ATSH/-Kryeministri i Kosovës, Albin Kurti, së bashku me ministrin e bujqësisë, Faton Peci, kanë vizituar disa fermerë në Therandë.
“15 hektarë grurë i kanë korrur vëllezërit Beqiraj në Sopi të Therandës këto ditët e fundit. Edhe 50 hektarë të tjerë do t’i korrin gjatë javës së ardhshme. Me ministrin e bujqësisë Faton Peci vizituam anën tjetër të bukës sonë, atë të punës dhe djersës së bujqve tanë”, shprehet Kurti në një postim në rrjetet sociale.
