TIRANË, 2 korrik/ATSH/- Shërbimi Meteorologjik Ushtarak bën të ditur se edhe për ditën e sotme vendi do të mbetet në ndikimin e masave ajrore të nxehta afrikane, por relativisht të paqëndrueshme dhe të lagështa.
Moti parashikohet i kthjellët e alternime vranësirash kalimtare nga orët e mesditës deri ato të pasdites. Vranësirat do të jenë më tepër prezente përgjatë relieveve malore në lindje.
Nga orët e mesditës deri ato të pasdites në relievet kodrinore – malore në lindje-juglindje të territorit, parashikohen reshje shiu në formën e shtrëngatave. Hera-herës këto reshje në periudha afatshkurtra do të jenë në formën e rrebesheve dhe stuhive shoqëruar me breshër dhe shkarkesa elektrike si dhe intensitet mesatar.
Era do të fryjë me drejtim Verilindje – veriperëndim 1-5m/sek. Në bregdet dhe lugina era do të jetë me rrahje deri në 10m/sek.
Valëzimi në dete parashikohet i forcës 1-2 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 23/36 | Diell re |
| Kukës | 21/37 | Diell re shi |
| Lezhë | 21/35 | Diell re |
| Dibër | 19/36 | Diell re shi |
| Durrës | 23/36 | Diell re |
| Tiranë | 26/37 | Diell re |
| Elbasan | 24/38 | Diell re shi |
| Berat | 20/38 | Diell re |
| Vlorë | 22/36 | Diell |
| Korcë | 19/34 | Diell re shi |
| Gjirokastër | 19/37 | Diell re shi |
| Sarandë | 22/32 | Diell re |
