TIRANË, 24 maj/ATSH/ Kryeministri Edi Rama ndau sot në rrjetet sociale një postim të Klubit Sportiv të Romës, ku ftohen tifozët të vijnë në Tiranë për të ndjekur finalen e UEFA Conference League.
“Mirëmëngjes! Hajdeni, hajdeni”, u shpreh Rama në postim në rrjetet sociale, ndërsa ndau postimin e veçantë të Klubit Sportiv të Romës, të cilët zgjodhën një foto nga eksodi i shqiptarëve drejt Italisë në mars 1991 për të ftuar tifozët e tyre për të ndjekur ndeshjen në Tiranë.
Finalja e UEFA Conference League mes Romës dhe Feyenoord-it do të zhvillohet në 25 maj në Tiranë.
Ky konsiderohet një event i rëndësishëm sportiv jo vetëm për Italinë dhe Holandën, por edhe një festë e madhe për gjithë Shqipërinë./m.m/j.p/
