LONDËR, 23 maj /ATSH- DPA/- Gjigandi farmaceutik britanik “AstraZeneca” njoftoi sot se vaksina e saj Covid-19, “Vaxzevria”, ishte miratuar në Bashkimin Evropian si një dozë e tretë përforcuese tek të rriturit.
Vaksina tani mund të përdoret si një përforcues te pacientët të cilëve më parë kanë kryer një vaksinë primare ose e Vaxzevria ose e një vaksine mRNA Covid-19 të miratuar nga BE-ja.
Agjencia Evropiane e Mjekësisë (EMA) miratoi vaksinën pas një rekomandimi nga Komiteti për Produkte Medicinale për Përdorim Njerëzor, i cili shqyrtoi provat që demonstrojnë një reagim imunitar në rritje.
Vaksina “AstraZeneca” u krijua nga Universiteti i Oksfordit. Vaksinës i është dhënë një autorizim tregtimi i kushtëzuar ose përdorim emerhjent në më shumë se 125 vende. Gjithashtu, “AstraZeneca” është regjistruar për përdorim emergjent nga Organizata Botërore e Shëndetësisë.
Vaksina “Vaxzevria” është autorizuar si një përforcuese homologe për pacientët që më parë kanë kryer një vaksinë primare të “Vaxevria”, në Britaninë e Madhe dhe disa vende në Azi dhe Amerikën Latine. //a.i/
