TIRANË, 6 prill /ATSH/ Shërbimi Meteorologjik Ushtarak bën të ditur se, sot vendi ynë do të jetë nën ndikim të masave ajrore relativisht të paqëndrueshme. Moti parashikohet me alternime kthjellimesh dhe pasdite do ketë shtim gradual të vranësirave.
Në veriperëndim në orët e mbrëmjes vranësirat do të pasohen nga reshje shiu me intensitet të ulët.
Era do të fryjë me drejtim nga kuadrati i jugut me shpejtësi mesatare 1-7 m/sek, e cila hera-herës fiton shpejtësi deri në 10 m/sek. Valëzimi në dete parashikohet i forcës 1-2 ballë.
Temperaturat parashikohen:
Në zona malore 4 deri 18°C
Në zona e ulëta 8 deri 22°C
Në zona bregdetare 9 deri 22°C
