TIRANË, 18 shkurt/ATSH – I. Vata/ Kryetari i bashkisë Fier, Armando Subashi është thirrur sot nga SPAK për të dëshmuar në lidhje me inceneratorin e Fierit.
Për afro 5 orë në SPAK, Subashi tha se dëshmoi për inceneratorin dhe se nuk mund të zbulonte më shumë për shkak të sekretit hetimor.
“U thirra në cilësinë e deklaruesit dhe dhashë shpjegime për inceneratorin e Fierit. Do vij sa herë të më thërrasë Prokuroria. Nuk mund të flas më shumë se është çështje në hetim. Kam 2 ose 3 orë që jam dëshminë time, jo më shumë”, tha Subashi.
Po ashtu, Subashi u shpreh i gatshëm që të dëshmojë sa herë të thirret nga Prokuroria, ndërsa sot ishte në SPAK pa praninë e avokatit.
Më herët është paraqitur në SPAK edhe deputeti socialist, Alqi Bllako.
