TIRANË, 15 shkurt/ATSH/ Për ditën e sotme parashikohet një përkeqësim i kushteve atmosferike mbi vendin tonë ndikuar nga depërtimi i masave ajrore të lagështa me origjinë veriperëndimore.
Moti parashikohet me vranësira mesatare dhe të dendura por nuk do të mungojnë alternimet e kthjellimeve përgjatë pjesës së parë të ditës në qendër dhe jug. Në veriperëndim reshje shiu të herëpashershme me intensitet deri mesatar në formën e shtrëngatave ndërsa në pjesën tjetër të territorit reshjet me intensitet të ulët nisin pas orëve të pasdites. Në zonën e Alpeve dhe lartësitë mbi 500 metra në relievet malore në verilindje reshje dëbore.
Era do të fryjë me drejtim juglindje – jugperëndim dhe shpejtësi mesatare 1-7 m/sek, e cila hera-herës përgjatë vijë bregdetare dhe zonave luginore fiton shpejtësi deri ne 10-14 m/sek shoqëruar me valëzim në dete të forcës 1-3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 4/12 | re shi |
| Kukës | 3/12 | re diell shi |
| Lezhë | 4/12 | re shi |
| Dibër | 1/10 | re diell shi |
| Durrës | 7/17 | re diell shi |
| Tiranë | 7/16 | re diell shi |
| Elbasan | 8/17 | re diell shi |
| Berat | 3/15 | re diell shi |
| Vlorë | 6/13 | re diell shi |
| Korçë | -3/10 | re diell shi |
| Gjirokastër | 4/13 | re diell shi |
| Sarandë | 7/15 | re diell shi |
