FRANKFURT, 11 shkurt /ATSH-DPA/ – Presidentja e Bankës Qendrore Evropiane (BQE) Christine Lagarde theksoi se do të dëshironte të shihte figura të famshme evropiane të paraqitura në gjeneratën e ardhshme të kartëmonedhave euro.
”Personalisht, mund të imagjinoj shumë mirë fytyrat e evropianëve të famshëm në kartëmonedha si Leonardo da Vinçi, Ludvig van Bethoveni apo James Joyce”, theksoi ekonomistja franceze për rrjetin e lajmeve ”Redaktionsnetzwerk Deutschland”.
BQE filloi procesin e ridizajnimit të kartëmonedhave në dhjetor, ku konsultimi publik pritet të jetë një pjesë e rëndësishme e procesit.
Këshilli Drejtues i BQE-së do të vendosë në vitin 2024 për prodhimin e kartëmonedhave të reja dhe kur ato duhet të hidhen në qarkullim.
Lagarde nuk është adhuruese e idesë se vendet e veçanta të eurozonës duhet të vizatojnë modele në kartëmonedha, ndryshe nga monedhat, të cilat kanë një anë “të përbashkët” dhe një anë “kombëtare”.
“Ridizajnimi i kartëmonedhave është një mundësi e mirë për të treguar unitet”, theksoi kreu kryesor i monedhës europiane.
“Ne duhet të zbulojmë se çfarë na bashkon dhe na lidh, jo çfarë na ndan”, shtoi ajo./ /os/
