LONDËR, 10 shkurt /ATSH-DPA/ – Princi i Uellsit, Charles rezultoi pozitiv me Covid-19 dhe tani është i izoluar.
Është hera e dytë që trashëgimtari i fronit Charles, 73 vjeç, infektohet me koronavirus, pasi e kaloi në vitin 2020.
”Princi ndihet thellësisht i zhgënjyer që nuk mund të marrë pjesë në ngjarjet e sotme në Winchester dhe do të kërkojë të riplanifikojë vizitën e tij sa më shpejt të jetë e mundur”, thuhet në një njoftim.
Lajmi vjen vetëm disa ditë pasi mbretëresha festoi jubileun e saj të platintë duke shprehur “dëshirën e saj të sinqertë” që dukesha e Cornwall, Camilla të ishte mbretëreshë kur Charles të bëhej mbret.
Të mërkurën në mbrëmje, Charles takoi dhjetëra njerëz dhe u shoqërua nga Camilla në një pritje në Muzeun Britanik./ /os/
