TIRANË, 6 shkurt/ATSH/- Shërbimi Meteorologjik Ushtarak bën të ditur se për ditën e diel vendi ynë do të ndikohet nga kushte relativisht të qëndrueshme atmosferike.
Moti parashikohet kryesisht i kthjellët, por nuk do të mungojnë vranësirat kalimtare të cilat do të jenë më tepër të theksuara përgjatë relieveve malore.
Duke nisur nga orët e vona të mbrëmjes, parashikohet shtim vranësirash në të gjithë territorin deri në të dendura.
Në orët e mbrëmjes në zonën e qendrës dhe pjesërisht atë të jugut, parashikohen reshje shiu të herëpashershme me intensitet të ulët e shtrëngata lokale.
Gjithashtu parashikohet borë e dobët në veri- verilindje. Era do të fryjë verilindje e juglindje 1-5m/sek dhe me rrahje deri në 8m/s shoqëruar me dallgëzim në dete të forcës 1 ballë.
Temperaturat parashikohen:
| QYTETET | Temperaturat në °C | Sigla |
| Shkodër | -1/12 | Diell re |
| Kukës | 0/11 | Diell re |
| Lezhë | 2/14 | Diell re |
| Dibër | -2/10 | Diell re |
| Durrës | 5/16 | Diell re |
| Tiranë | 4/16 | Diell re |
| Elbasan | 4/17 | Diell re |
| Berat | -1/15 | Diell re |
| Vlorë | 4/16 | Diell re |
| Korçë | 0/8 | Diell re |
| Gjirokastër | 0/15 | Diell re |
| Sarandë | 6/17 | Diell re |
