KIEV, 28 janar /ATSH-UKRINFORM/ – Presidentët e Ukrainës dhe të SHBA zhvilluan bisedën e tyre të dytë telefonike që nga fillimi i vitit, duke demonstruar bashkëpunim të thellë strategjik midis dy vendeve, sipas zëdhënësit të presidentit ukrainas, Volodymyr Zelensky.
“Presidenti Zelensky shprehu mirënjohjen për SHBA dhe personalisht për presidentin Joseph Biden për mbështetjen e fortë dhe të palëkundur për pavarësinë, sovranitetin dhe integritetin territorial të Ukrainës dhe për iniciativën e tyre në mobilizimin e komunitetit botëror për të penguar agresionin rus”, thuhet në deklaratë.
Volodymyr Zelensky mirëpriti gjithashtu komentin e Joe Biden për rëndësinë e ruajtjes së pranisë diplomatike të SHBA në Ukrainë dhe siguroi një mbështetje të qëndrueshme të ambasadës SHBA në Kiev.
Ai falënderoi për ndihmën e duhur të ofruar nga SHBA.
Zelensky u shpreh i bindur se ”SHBA do të ndërmarrin hapa të mëtejshëm për të forcuar bashkëpunimin në mbrojtje dhe për të forcuar aftësitë mbrojtëse të shtetit tonë”.
Zyra e Presidentit kujtoi se ”kjo ishte telefonata e dytë e dy liderëve këtë vit, që demonstron bashkëpunim të thellë strategjik mes vendeve tona dhe vendos një dinamikë të mirë për vitin 2022”./ /os/
