TIRANË, 22 janar/ATSH/ Autoriteti Rrugor Shqiptar informoi sot në mbrëmje se në Llogora kanë filluar reshjet e dëborës.
Sipas ARRSH-së, mjetet borëpastruese dhe grupet e punës janë në terren për pastrimin dhe trajtimin me kripë të aksit.
ARRSH-ja bëri të ditur se qarkullimi i mjeteve kryhet pa probleme.
“Qarkullimi kryhet pa probleme. Drejtuesit e mjeteve duhet të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”, informon ARRSH. /a.a/
