BARI, 30 dhjetor /ATSH-ANSA/ – Këngëtari i njohur italian, Al Bano, rezultoi pozitiv ndaj Covid-19 dhe për pasojë nuk do të mundë të marrë pjesë në koncertin e Vitit të Ri të Canale 5, që do të transmetohet nga Bari, nën drejtimin e Federica Panicuccit.
Lajmin e infektimit e bëri të ditur vetë Al Bano përmes një videoje të postuar në Instagram.
”Virusi i mallkuar më ka goditur deri në atë pikë sa nuk mund të bëj atë që ishte planifikuar në natën e fundit të vitit në Bari me Panicuccin dhe shumë miq si Riccardo Fogli, Colors apo Facchinetti i madh”, shpjegon këngëtari 78-vjeçar.
”Unë jam këtu, duhet të luftoj këtë virus të mallkuar që është i padukshëm, por që godet. Ai është armiku më i rëndësishëm, më i keq se armiku i Luftës së Tretë Botërore. I kam përgatitur tashmë varrimin, bleva arkivolin, quhet koronavirus, vura datëlindjen, pres datën e bekuar të vdekjes. Le të bëjmë pak ironi, jo vetëm të qajmë me njëri-tjetrin”, nënvizon me optimizëm Al Bano./ /os/
