SAN PAULO, 25 dhjetor /ATSH -AA/- Futbollisti legjendar brazilian Pele ka lënë spitalin“Albert Einstein” në Sao Paulo dhe do të vazhdojë trajtimin në shtëpi.
Spitali në Sao Paulo të Brazilit njoftoi se ish-futbollisti 81-vjeçar, i shtruar në spital më 8 dhjetor, është në gjendje të qëndrueshme shëndetësore dhe është liruar. Gjithashtu u theksua se trajtimi i tumorit të zorrës së trashë të Peles do të vazhdojë në shtëpinë e tij.
Ylli brazilian ka shkruar në llogarinë e tij në Twitter se Vitin e Ri dëshiron ta kalojë me familjen e tij në shtëpi.
Pele u operua me sukses në të njëjtin spital në shtator. Ai është shtruar disa herë në spital vitet e fundit për probleme me veshkat dhe prostatën.
Pele fitoi Kupat e Botës në vitet 1958, 1962 dhe 1970 dhe mbetet golashënuesi më i mirë i të gjitha kohërave i kombëtares së Brazilit me 77 gola në 92 ndeshje. /os/
