NJU JORK, 23 dhjetor /ATSH-MIA/ – Në vitin 2021, aplikacioni TikTok për shkëmbimin e videove të shkurtra u bë domeni më i vizituar i internetit në botë duke kaluar kështu motorin e kërkimit Google, sipas kompanisë teknologjike amerikane Cloudflare.
ТikTok doli në vendin e parë më 17 shkurt, ndërsa nga 10 gushti është gjithmonë më përpara se Google.
TikTok, është në pronësi të kompanisë kineze ”Byte Dance”.
Pozicionin e tretë të domenëve më të vizituar, përfshirë edhe faqet web dhe aplikacionet, e mori rrjeti social Facebook, të katërtin Microsoft, ndërsa të pestin Apple.
Në listen e 10 faqeve më të vizituara gjenden Amazon, Netflix, YouTube, Twitter dhe Whatsapp./ /os/
