TIRANË, 21 dhjetor/ATSH/ Rrëqebulli (Lynx lynx balcanicus), një prej 55 specieve në gjithë botën është filmuar dje në parkun natyror Korab-Koritnik.
Lajmi u bë i ditur nga ministrja e Turizmit dhe Mjedisit, Mirela Kumbaro, e cila thekson se rrëqebulli u filmua nga mësuesi Naim Palushi nga fshati Zapot.
“Kjo specie (Lynx lynx balcanicus) më parë është fotografuar në Parkun Kombëtar Shebenik-Jabllanicë dhe në Malin e Munellës e gjithashtu prania është konfirmuar dhe në pjesën maqedonase, Mavrovë”, thekson Kumbaro.
Ministrja Kumbaro shprehet se në Ballkan këto janë provat e vetme të ekzistencës së kësaj specie në zhdukje.
“Ja pse na duhet moratoriumi i gjuetisë dhe kujdesi për biodiversitetin”, theksoi Kumbaro.
/k.s/j.p/
