AMSTERDAM, 20 dhjetor /ATSH-DPA/ Agjencia Evropiane e Barnave (EMA) njoftoi sot se ka miratuar një vaksine të re kundër koronavirusit nga prodhuesi amerikan ‘Novavax’.
Pasi Komisioni Evropian të ketë dhënë miratimin e tij zyrtar, ‘Novavax’ do të jetë vaksina e pestë kundër Covid-19 që do të miratohet për përdorim në vendet e Bashkimit Evropian.
Ndryshe nga katër vaksinat e tjera të miratuara tashmë, Novavax është një vaksinë me bazë proteinash. Ajo përmban grimca të vogla që përbëhen nga një version i glikoproteinës të Sars-CoV-2 i prodhuar në laborator , virusi që shkakton sëmundjen Covid-19.
Preparatet Pfizer/BioNTech dhe Moderna janë vaksinat e ARN-së mesazhere ndërsa AstraZeneca dhe Johnson & Johnson janë të bazuara në vektor.
Novavax me seli në Maryland aplikoi për autorizim në BE në nëntor. //a.i/
