AKU ushtroi sot 193 kontrolle zyrtare dhe monitorime në të gjithë vendin në fabrikë vaji ulliri, kategori e veçantë, përpunim qumështi, pastiçeri, baxho, bulmetore, përpunim peshku, furrë buke, etj.
Drejtoritë Rajonale të AKU e ushtrojnë veprimtarinë e tyre në bazë të planit vjetor të inspektimit me bazë risku, mbi bazën e denoncimeve të ardhura në rrugët e komunikimit të institucionit.
“Gjatë kontrolleve zyrtare sot janë dhënë 27 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore dhe 3 gjoba për mungesë të planit HACCP, detyra të parealizuara nga inspektimi i mëparshëm”, informon AKU.
“Referuar Planit Vjetor të Marrjes së Mostrave me bazë risku janë marrë 48 mostra produktesh për analizim të treguesve fiziko-kimikë, mikrobiologjikë, kryesisht në produkte me origjinë shtazore dhe për mbetje pesticidesh”, bën të ditur AKU.
